Tuesday, April 10, 2012

ዋልድባን ለምን?

ዋልድባ ገዳም ክርስቶስ ከመሠረታቸው የኢትዮጵያ ገዳማት መካከል ዋነኛው እና ተጠቃሽ ከሆኑት ገዳማት አንዱ ነው፤ ዋልድባ በምሥራቅ ጎንደር እና በምዕራብ ትግራይ መካከል የሚገኝ ታላቅ ገዳም ነው ምሥረታው በ485 ዓ. ም. ገደማ እንደሆነ የሚነገርለት ይህ ገዳም ጥንታዊ እና ታሪካዊ ሀገራዊ ቅርሶችን እንዲሁም ከ3000 በላይ መናንያንን የያዘ ገዳም እንደሆነ ይነገርለታል ይህም ተሰውረው የሚኖሩትን ቅዱሳን ሳይቆጠሩ እንደሆነ ይገመታል። ይህ ታሪካዊ እና እመቤታችን በስደቷ ከረገጠቻቸው ገዳማት አንዱ የሆነው ገዳም ዛሬ የኢትዮጵያ መንግስት የስኳር ፋብሪካዎችን እከፍታለሁ ብሎ ይህንን ታሪካዊ ገዳም ከሥር መሠረቱ ለማጥፋት እና የብዙ ሊቃውንተ ቤተክርስቲያን መፍለቂያ የሆነውን ገዳም በአደገኛ ሁኔታ ላይ እንደሚገኝ ብዙዎቻችን ሳንሰማ አልቀረንም።

ይህ የሚያሳየው የዋልድባ ታሪካዊ አመሠራረቱን እና የብዙ ሊቃውንት እና መናኒያን መፍለቂያ የሆነ ገዳም እንደሆነ እንድንገነዘብ ያህል ነው።
በመቀጠል ተከታታይ ታሪኮቹን እና ለሃገር ብሎም ለዓለም የሚያበረክቱን አስተዋጽዖ ለማየት እንሞክራለን፡
ወስብሃት ለእግዚአብሔር
ወለወላዲቱ ድንግል
ወለመስቀሉ ክቡር

No comments:

Post a Comment