Tuesday, August 14, 2012

አንዳንድ ወገኖቻችን ዋልድባ አልታረሰም በማለት ሊያስተባብሉ ይሞክራሉ፥ እስቲ ይህንን ቪዲዮ ይመልከቱ እና ይፍረዱ


የኢትዮጵያ መንግሥት እንዲሁም የቤተክህነቱ ተወካዮች ዋልድባ እንዳልታረሰ ምንም እንዳልተነካ በተለያየ ጊዜ ሲነገር ይሰማል ነገር ግን፣ መንግሥት ወይም እነዚህ የተለየ የተሳሳተ መረጃ የሚሰጡ ወገኖች የራሳቸው የሆነ አጀንዳ ያላቸው ሰዎች ሲሆኑ እውነቱ ግን በዚህ ቪዲዮ ላይ እንደሚታየው ዋልድባ ገዳምን የመንግሥት ሃይሎች በማናለብኝነት የተቀደሰውን ምድር ሲያርሱ እና የቅዱሳንን አጽም ሲያፈልሱ ቆይተዋል። በዚህም በርካታ የተዋሕዶ ልጆች ከሊቅ እስከ ደቂቅ በሃዘን እና በቁጭት አቤቱታቸውን ሲያቀርቡ ቆይተዋል አሁንም ይቀጥላሉ።

የኢትዮጵያ መንግሥት ወይም የገዢው መደብ ሙሉ ለሙሉ ሥራውን አቁሞ ወደ ሌላ ቦታ እስካልሄደ ድረስ የተጀመረው እንቅስቃሴ እንደ እግዚአብሔር ፈቃድ ይቀጥላል። ዓላማችን እረጅም ነው መንገዱም ጎርባጣ እና እሾህ አሜኬላ የበዛበት ሊሆን እንደሚችል እንገምታለን ነገር ግን ተስፋችን እግዚአብሔር ግባችን ሰማይተ ኢየሩሳሌም መንግሥተ ሰማያት ስለሆነ ሊያቆሙን አይችሉም ይልቁንም ከአምላካቸው የተጣሉት ይወድቃሉ ይዋረዳሉ፣ ከክብር ወንበራቸው ወደ ታች መውረዳቸው የማይቀር ነው።
ቸር ይግጠመን
አሜን

1 comment:

  1. yehen yemesele kidus bota lemafires meruaruat alemataldel new. alawakinet new.

    ReplyDelete