Thursday, November 8, 2012

ለቤተክርስቲን ሰላም፣ ስለ እርቀ ሰላሙ፣ ኢ/ኦ/ተ/ቤ/ክ ምዕመናንና ምዕመናት የስልክ ውይይት ምድረክ

በኢትዮጵያ ኦርቶዶክስ ተዋሕዶ ቤተክርስቲያን ላለፉት ሁለት አስርተ ዓመታት ተለያይተው የነበሩ አባቶቻችን የቤተክርስቲያን መሥራቿ እና የማዕዘን ራስ የሆነው ጌታችን መድኃኒታችን ኢየሱስ ክርስቶስ እራሱ ባወቀው መልካም አጋጣሚን ፈጥሯል በመሆኑም እስከዛሬ አባቶች ተለያይተው፣ ከዛም አልፎ ምዕመናን ተለያይተው የቆዩበትን የመለያየት ዘመን እንደነበረ ሁላችንም እናስተውሰዋለን ፣ ለዚህም ነው ቅድስት ቤተክርስቲያን ካጋጠሟት በርካታ ፈተናዎቹ መካከል ዋነኛው እንደሆነ ሁላችንም የምንገነዘበው እውነታ ነው። በመሆኑም በኢትዮጵያ ኦርቶዶክስ ተዋሕዶ ቤተክርስቲያን የምዕመናን እና ካህናት አስተባባሪ ኮሚቴዎች ለቤተክርስቲያን አንድነት ባላቸው ትጋት በምዕመናን እና በካህናት ተዋቅረው ሕዝበ ክርስቲያኑ ሲናፍቀው የነበረውን ሰላም የእርቀ ሰላሙን ኮሚቴ በማገዝ ሰላሙን ለማምጣት ከምዕመናን እስከ ሊቃነ ጳጳሳት ባሉት የቤተክርስቲያኒቱ አካላት ዘንድ ከባድ ርብርብ እየተደረገ በሚገኝበት በዚህ በአሁኑ ሰዓት ይልቁንም፣ በመጪው ሕዳር ወር በዳላስ ቴክሳስ የሚደረገውን የእርቀ ሰላም ጉባኤ ያግዙ ዘንድ የተመረጡት የምዕመናን እና የካህናት ተዋካዮች ጋር የስልክ ጉባኤ በመጪው እሑድ ስለሚደረግ እያንዳንዱ ሰላም ወዳድ ሕብረተሰብ ለዚህ ሰላም የበኩሉት ጥረት እንዲያደርግ የምዕናናን እና የካህናት ተወካዮች በአክብሮት ጥሪያቸውን ያቀርባሉ።
እግዚአብሔር አምላክ ቅድስት ሀገራችንን እና ተዋሕዶ ሃይማኖታችንን በረደኤት ይጠብቅልን
ለቤተክርስቲያን ሰላም የበኩልዎን ያበርክቱ!


“ሕዝብን የሚመክር ቃል እንዳላችሁ ተናገሩ”  ሐዋ 13፥15
“ለኢየሩሳሌም ሰላምን ለምኑ አንተንም ለሚወድዱ ልማት ይሁን።” መዝ 122:6
“በሰላም ማሰሪያ የመንፈስን አንድነት ለመጠበቅ ትጉ።” ኤፌ 4:3
ሙሉ ደብዳቤውን ለማንበብ እዚህ ይጫኑ


ለኢትዮጵያ ኦርቶዶክስ ተዋሕዶ ቤ/ክን ምዕመናንና ምዕመናት የስልክ ውይይት መድረክ:-
ሐዋርያዊት ብሔራዊትና ዓለም አቀፋዊት ስለሆነችው የኢትዮጵያ ኦርቶዶክስ ተዋሕዶ ቤተ ክርስቲያን አንድነት : በልጆቿ መካከል ሊፈጠር ስለሚገባው ሰላም: ፍቅርና ሕብረት መመካከሪያ አራተኛ የስልክ ጉባኤ ተዘጋጅቷል ::
በዚህ መርሐ ግብር ላይ የቤተ ክርስቲያን አባቶች መምህራንና ሊቃውንተ ቤተ ክርስቲያን በቤተ ክርስቲያን የሚታየው መከፋፈልና መለያየት ተወግዶ አንድነት ስለሚመጣበት ሁኔታ ምክክር ይካሄዳል::  ስለዚህ እርስዎም በመርሐ ግብሩ ላይ ተገኝተው ይሳተፉ ሃሳብዎንም ያካፍሉ ዘንድ በአክብሮት ተጋብዘዋል። ይምጡና ስለ ሰላምና አንድነት በጋራ እንጸልይ ::
የኮንፈረንስ ቁጥር 1-559-726-1200      መግቢያ ኮድ 24-81-12
ቀን እሑድ  ህዳር 2 ቀን 2005 ዓ/ም (November  11, 2012 )
ሰዓት፦      8:00 PM - 10:00 pm በዲሲ ሰዓት (EST) /
              5:00 pm - 7:00 PM ካሊፎርኒያ ሰዓት (PST)
የምዕመናንና ካህናት አስተባባሪ ኮሚቴ

1 comment: