ምስጢረ ሥላሴ በአበው ሊቃውንት ሁለት መጽሐፍት ውግዘት

ለበርካታ ዓመታት የዋልድባ አበረንታንት ዘቤተሚናስ ገዳም ለቅዱስ ሲኖዶስ ጽ/ቤት፣ ለሊቃውንት ጉባኤ በተለይ በብፁዕ ወቅዱስ አቡነ ጳውሎስ ዘመን ተደጋጋሚ ውትወታ ቢደረግም ሰሚ ሳያገኝ ጆሮ ዳባ ልበስ ተብሎበት የነበረው "ምስጢረ ሥላሴ በአበው ሊቃውንት" በሚል ርዕስ ሁለት መጻሕፍት የጻፉት "መምህር አባ ገብረ እግዚአብሔር አብረሃ አክሱማዊ ወልዱ ለሳሙኤል ዘዋልድባ" የተባሉት የቤተ - ጣዕመ ክርስቶስ አባት መጻሕፍቱም ከ12/11/2005 ጀምሮ የተወገዘ እንዲሆን እርሳቸውም በአስቸኳይ በሊቃውንት ጉባኤ እና በቋሚ ሲኖዶስ ፊት ቀርበው መልስ እንዲሰጡ የሚያዘው ደብዳቤ ከጠቅላይ ቤተክህነት ዋና ሥራ አስኪያጅ ቢሮ ከወጣ ቆየት ቢልም ለዝግጅት ክፍላችን የደረሰው ግን ሰነብት ብሎ ነው። ይህንንም ምዕመናን ማወቅ ስላለባቸው የተጻፉት መጻህፍት ሁለቱም ኮፒዎች በእጃችን ባይገቡም ሁለተኛውን እትም ማለትም በሐምሌ 1995 ዓ.ም. የታተመውን በእጃችን ለማስገባት ችለናል። የውግዘቱንም ደብዳቤ ለምዕመናን ከዚህ ጋር አያይዘንዋል እንመልከተው

በኢትዮጵያ ኦርቶዶክስ ተዋሕዶ ቤተክርስቲያን
መንበረ ፓትርያርክ ጠቅላይ ጽ/ቤት
የመልዕክት ሣጥን ቁጥር 1283
አዲስ አበባ 
ስልክ ቁ: 011 155 00 98
011 155 00 99

ቀን : 12/11/2005

ለዋልድባ አብረንታንት ገዳም ዘቤተሚናስ ማኅበር
ዋልድባ

ገዳሙ ባሳሰበው መሠረት ቋሙ ሲኖዶስ ሐምሌ ፭ ቀን ፳፻፭ ዓ.ም. ባደረገው ስብሰባ “ምስጢረ ሥላሴ በአበው ሊቃውንት”  በሚል ርዕስ በመምህር አባ ገብረ እግዚአብሔር የተዘጋጁትን ሁለት መጻሕፍት፥ በሊቃውንት ጉባኤ ተመርምረው የክርስቶስ ትምህርት ሳይሆን የኑፋቄ ትምህርት ያለበት በመሆኑ ምዕመናን እንዳያነቡት እና በማንኛውም የቤተክርስቲያኒቱ ዓውደ ምሕረትም ሆነ የመጻሕፍት ማከፋፈያ ቦታዎች ሁሉ እንዳይሸጡና እንዳይሰራጩ ሲል ያወገዘበትን የውሳኔ ቃለ-ጉባዔ 2 ገጽ ከቅዱስ ሲኖዶስ ጽ/ቤት በቁጥር 455/513/2005 በ10/11/2005 ዓ.ም. ከተጻፈ መሸኛ ጋር ደርሶናል።

ስለዚህ ሁለቱ የኑፋቄ መጽሐፍት የተወገዙ መሆኑን እየገለጽን፥ ቋሙ ሲኖዶስ የወሰነውን እና የወገዘበትን 2 ገጽ የውሳኔ ቃለ-ጉባኤ ከዚህ ጋር አያይዘን የላክን መሆኑን እንገልጻለን።

                                                                 ወስብሐት ለእግዚአብሔር
                                                                               ፊርማ
                                                        አባ ማቲዎስ የጠቅላይ ቤተክሕነት ዋና ሥራ አስኪያጅ
                                                        የወላይታ ኮንታና ዳውሮ አህጉረ ስብከት ሊቀ ጳጳስ
                                                                             ማኅተም    

ግልባጭ:

·         ለቅዱስ ሲኖዶስ ጽ/ቤት

·         ለብፁዕ ወቅዱስ ፓትርያርክ ልዩ ጽ/ቤት

·         ለአስተዳደር መምሪያ

አዲስ አበባ

የውግዘቱን ደብዳቤ ለመመልከት እዚህ የጫኑ 

Let's save waldba! together ዋልድባ እንታደግ!