Wednesday, June 4, 2014

ዜና ዋልድባ

ግንቦት ፲፬ ቀን ፪፲፻፮ ዓ.ም. ኢሕአዴግ የዋልድባን መነኮሳት በመሰብሰብ ቦታችሁን ልቀቁ፣ ካሳ እንከፍላችኋለን በማለት ካሳን እንደመደለያ አድርጎ አቀረበ። በምንኩስና ስም የኢሕአዴግ አገልጋዮች የሆኑ ሶስት ሰዎች እነሱም፥

፩ኛ- አባ ገብረህይወት የሚባሉ እቃ ጠባቂ (የኢሕአዴግ ታጋይ)
፪ኛ- አባ ኃይለሚካኤል የሚባሉ ለኢሕአዴግ የሚሠሩ
፫ኛ- አባ ፈቃዱ የሚባሉ ቄስ ሆነው ሳለ መነኩሴ ነኝ የሚሉ  

እነዚህ ከላይ የተጠቀሱትን ሶስት ሰዎች መሣሪያ በማድረግ የዋልድባን መነኮሳት ለማግባባት ቢሞክርም መነኮሳቱ ቦታው የመድኃኔዓለም እንጂ የኛ አይደለም። የመድኃኔዓለምን ንብረት ካሣ ተቀብለን ልንሸጠው ልንለውጠው አንችልም ብለው በእምነታቸው ጸንተዋል።  ኢሕአዴግ መልሳቸውን ካዳመጠ በኋላ እንቢ ካላችሁ በግድቡ ውኃ ትጥለቀለቃላችሁ በማለት ዝቶባቸዋል።


መድኃኔዓለም የባረከውን ዋልድባን ይጠብቅ። የብጽእት ቅድስት ድንግል ማርያም ምልጃ  ዋልድባን ይጠብቅ። የቅዱሳን መላእክት ልመና ዋልድባን ይጠብቅ።  የቅዱሳን ጸሎት ዋልድባን ይጠብቅ። አሜን።

No comments:

Post a Comment