Thursday, May 22, 2014

ፒቲሽኑን በመፈረም በሱዳን የምትገኝ ክርስቲያንን ነፍስ ለማዳን እንረባረብ

 Don't execute 8 months pregnant Mariam Yehya Ibrahim for being Christian #SaveMariamሰሞኑን በተለያየ ድኅረ ገጾች እንደመለከትነው ማርያም ይሄያ ኢብራሂም የተባለች ሱዳናዊት ከክርስቲያን እናት (ኢትዮጵያዊት) እና ከሙስሊም አባት የተወለደች፣ ነገር ግን ሙስሊም አባቷ እሷን እና እናቷን ጥሎ በመሄዱ እናቷ በክርስቲያን ምግባር እና ስርዓት አስተምራ ለቁም ነገር አብቅታ የአንድ ወንድ ልጅ እናት እና የክርስቲያን ሚስት በመሆኗ ብቻ የሱዳን መንግሥት የሞት ፍርድ ፈርዶባታል። ማርያም የስምንት ወር ነፍሰ ጡር በመሆኗ ውሳኔው ወዲያው ባይወሰድባትም ልጇን ከወለደች ከሁለት ዓመት በኃላ የሞት ፍርዱ እንዲፈጸም ወስኗል። ይህች እናት ወይም እህት የዶክተሬት ዲግሪ ያላት ለሃገሯ፣ ለወገኗ ብሎም ለመላው ሕዝብ ብዙ ሥራዎችን ልትሰራ የምትችል መሆኗ እየታመነ፣ ነገር ግን የሱዳን የሙስሊም ሸሪያ ሕግ ክርስቲያን በመሆኗ ብቻ የሞት ፍርድ እና 200 የጅራፍ ግርፋት ተፈርዶባታል። እጅግ የሚያሳዝነው የተከሰሰችበት ክስ እምነቷን በመካድ በሚል ሲሆን ነገር ግን ማርያም ሙስሊም አልነበረችም ያደገችውም በእናቷ በኢትዮጵያዊቷ ክርስቲያናዊ ምግባር ያደገች መሆኗ እየታወቀ ያለምንም ይግባኝ የሞት ፍርድ ተፈርዶባላል። 



እግዚአብሔር ይቅር ይበላቸው እና ይህችን እህት ነፍሷን ለማዳን የመላው የዓለም ሕብረተሰብ ብዙ ጫና ለማድረግ የሞከረ ነው ስለዚህ እርስዎም በሚከተለው ሊንክ በመጠቀም በቀጥታ ወደ ፒቲሽኑ ገብተው የበኩልዎን አስተዋጽዖ እንዲያበረክቱ በልዑል እግዚአብሔር ስም እንጠይቃለን። 

ክርስቲያን እህታችንን ነፍስ ለማዳን ፒቲሽኑን ይፈርሙ 

Sunday, May 11, 2014

መንግሥት በዋልድባ ገዳም በመስራት ላይ ላለው የሥኳር ፕሮጀክት ማስፈጸሚያ ከቻይና መንግሥት የገንዘብ ብድር አገኝ

መንግሥት በአምስት አመቱ የእድገትና የትራንስፎርሜሽን ዕቅድ ውስጥ 32 ቢሊየን የኢትዮጵያ ብር በላይ  አስር የሥኳር ፋብሪካዎች በተለያዩ የሀገሪቱ ክፍሎች ውስጥ እገነባለሁ ብሎ በእቅድ መያዙ ይታወቃል፡፡ መንግሥት ከፍተኛ አትኩሮት ከሰጣቸው ፕሮጀክቶች ውስጥ ከታላቁ የኢትዮጵያ ህዳሴ ግድብ በኋላ በሀገሪቱ የተጀመሩት 10 የሥኳር ልማት ፕሮጀክቶቹ በሁለተኝነት ይገኛሉ፡፡ ከእነዚህ የስኳር ፋብሪካዎች ውስጥ ብዙ ውዝግብ ያስነሳው የሥኳር ፋብሪካ ውስጥ በዋልድባ ገዳም አካባቢ የሚገነባው መሆኑ ይታወቃል፡፡  ፕሮጀክቶች በበላይነት የሚመራው ሚኒስትር መስሪያ ቤት ከሚቆጣጠራቸው ፕሮጀክቶቹ ውስጥ አንዱ እና ዋንኛው የሆነውን የዋልድባን የስኳር ፋብሪካ ግንባታን ለመስራት በየጊዜው የሀገር ውስጥና ከሀገር ውጭ የመጡ ኮንትራክተሮች ውል በመቋጠርና በመፍታት አሁን ላይ ሶስተኛው ስራ ተቋራጭ ስራው እያካሄደ እንደሚገኝ ይታወቃል፡፡  ለሚገነባው የስኳር ልማት ፕሮጀክት በመጀመሪያ ዙር 1800 አባወራዎች ከቦታቸው በማንሳት መንግሥት 127.5 ሚሊዮን ብር የካሳ ክፍያ መክፈሉ ይታወቃል፡፡ በሁለተኛ ዙር የሰፈራ ፕሮግራሙ ላይ 4ሺህ ሰዎች ከቦታው ይነሳሉ ተብሎ ይጠበቃል፡፡ ሰፈራውም የሚቀጥል ሲሆን ለሚነሱት አብያተ ክርስቲያናት ቅድመ የማግባባት ስራ በአካባቢ አስተዳደር በኩል እንዲሰራ ትዕዛዝ መውረዱን ለማወቅ ተችሏል፡፡

Monday, May 5, 2014

ለግንቦት ፲፱ ቀን ፳፻፮ ዓ.ም. የተጠራው ስብሰባ ለግንቦት ፭ ተቀጥሯል


የዋልድባ ገዳም በሳተላይት እይታ
  •        የማይፀብሪ የመንግሥት ባለሥልጣናት የመነኮሳቱን ውሳኔ በግንቦት ፯ እንዲያሳውቁ ጥብቅ ውሳኔ አስተላልፈዋል 
  •       ለስኳር ፋብሪካው ግንባታ መኅር ገጽ ቅዱስ ጊዮርጊስ፣ ደለሳ ቆቃ አቡነ አረጋዊ፣ እጣኖ ቅድስት ማርያም ቤተክርስቲያናት መነሳታቸው ተወስኗል
  •       አባ ገ/ሕይወት መስፍን በመንግሥት ባለሥልጣናት እና በገዳሙ መካከል በመሆን ሥራቸውን እየሰሩ ነው
  •       አባ ነፃ ላይ በቅርቡ ካምፖች ተሰርተዋል

ባለፈው ወር አካባቢ የመንግሥት ከፍተኛ ባለሥልጣናት ከአዲስ አበባ እንዲሁም ከማይፀብሪ የመን ሥት ተወካዮች ጋር በመሆን ጥቂት የመንግሥት ሰዎችን በማይፀብሪ ላይ አነጋርረዋቸው እንደነበር ይ ታወሳል። በዚህም ስብሰባ ላይ የኢትዮጵያ የስኳር ፋብሪካ ኮርፖሬችን የበላይ ሃላፊዎች የስኳር ፋብሪካው ግንባታ ለመጓተት ምክንያት የሆኑትን መነኮሳት በማንኛውም መንገድ አሳምኖ ወይንም አስፈላጊውን ነገር ተጠቅሞ ስራው እንዲሰራ እና የማይፀብሪ አውራጃ አስተዳደርም ስራውን ለማስፈጸም አስፈላጊውን ድጋፍ ሁሉ እንዲያደርግ ቀጭን ትእዛዝ ሰጥተው እንደነበር ይታወሳል።