Sunday, May 31, 2015

የፈለገ ሕይወት መጥምቁ ዮሐንስ ወቅድስት ሃና ወቅዱስ ዑራኤል ገቢረ ተዓምራት

የፈለገ ሕይወት መጥምቁ ዮሐንስ ወቅስት ሐና ወቅዱስ ዑራኤል ቤ/ክ

በቦሌ ክፍለ ከተማ ወረዳ 10 የሚገኘው ፈለገ ሕይወት መጥምቀ መለኮት ቅዱስሐንስ የቅዱስ ዑራኤል፣ እና የእናታችን የቅድስት ሐና ቤተክርስቲያን ጸበል ለመባረክ ከመበረ ክብራቸው ተነስተው የግንቦት ልደታ እለት ከቤተክርስቲያኑ ወጥተው በመመለስ ላይ እያሉ በግምት ወደ ት መቶ  ሜትር ርቀት ላይ ርሱበት ጊዜ ናታችን የቅድስት ሃናን ጽላት የተሸከሙት አባት ራቸው ይተሳሰራል፣ መራመድ ሳናቸዋ በዚህም ከሌሎቹ ታቦታት ወደኃላ በሚቀሩበት ጊዜ ካሕናት አባቶች እና በቦታው የነበሩ አባቶች በሁኔታው ተደናግጠው ምክንያታቸውን ባለማወቃቸው የቅድስት ሃናን ታቦተ ጽላት ወደተሸከሙት አባት ጠጋ ብለው እንዳመማቸው ወይንም እንደደከማቸው  ቢጠይቋቸውም ምንም እንዳላመማቸው እና ነገር ግን መራመድ እንዳልቻሉ ይናገራሉ፣ ምናልባት ባታችን ደክሟቸው ይሆናል የእግዚአብሔር የቃልኪዳኑ ታቦት እሳተ መለኮት የሚያድርበት በመሆኑ በሌላ  እንሞክር ተብሎ ሞከራ ሌላኛውም አባት ተቀብለው ለመራመድ ክሩ እንደፊተኛው እግራቸው በገመድ የታሰረ ያህል ከነበሩበት መንቀሳቀስ ይሳናቸዋል በሌላ  በድጋሚ እንሞክር በማለት ለመጨረሻ ጊዜ ተቀይረው ለመንቀሳቀስ ቢሞክሩም ልክ እንደፊተኞ በነበሩበት ቦታ ተተክለው ይቀራሉ ወዲያው አይ ምናልባት ቅድስ ሃና በእዚሁ ለማደር ፈቅዷ ሊሆን ይችላል እና በዚሁ ኳን ደኩነን በዚሁ አዳር ይሁን እና በሚቀጥለው ቀን በእናታችን ፈቃድ ለመንቀሳቀስ እንሞክራለን በማለት በዕለቱ አዳር በዚያው ቦታ ይሆንና በሚቀጥለው ቀን ከጸሎት እና ከኪዳን በኃላ የቃልኪዳኑን ታቦት ከመንበረ ክብሯ ለመመለስ በድጋቢ ሙከራ ሊደረግ ቀጠሮ ተይዞ በዚያው አዳር ይሆናል፥ በዕለቱም ሌሊቱን ካህናት አባቶች በጸሎት ተጠምደው የነግህ ጸሎትም አድርሰው ኪዳኑንም አቅርበው ያድራሉ።

Thursday, May 14, 2015

በስልጤ ዞን የምሥራቅ አዘርነት በርበሬ ወረዳ ክርስቲያኖች የድረሱልን ጥሪ እያሰሙ ነው፤ ሓላፊነት በማይሰማቸው ጽንፈኛ ባለሥልጣናት በደል ‹‹ወረዳው ሊቢያ ኾኖብናል፤ ለእኛም አልቅሱልን›› እያሉ ነው

  • ክርስቲያን መምህራን እና የመንግሥት ሠራተኞች ተመርረው እና ተሠቃይተው ወረዳውን እንዲለቁ ከሥራ ማባረርን ጨምሮ እስራት፣ ያለበቂ ምክንያት የደመወዝ ቅጣት፣ ያልተገባ የሥራ ምደባ እና ዝውውር እንዲኹም ‹‹እናርዳችኋለን›› በሚል የግድያ ዛቻ ይደረግባቸዋል፤
  • የሚያስቀድሱበት እና የሚቀበሩበት ቤተ ክርስቲያን መሥሪያ ቦታ ያገኙት በብዙ ውጣ ውረድ ነው፤ ይህም ኾኖ የቂልጦ ጎሞሮ ቅድስት ማርያም ሕንፃ ቤተ ክርስቲያንን ለመሥራት በኮሚቴ የተሰባሰቡ ምእመናን በአንድነት ባሉበት ቤት በምሽት ቤንዚን በማርከፍከፍ እሳት ተለቆባቸዋል
Kilto Gomoro St. Mary Church
የወረዳው ቀናዒ ኦርቶዶክሳውያን ምእመናን፣ የጽንፈኛ እና ዓምባገነን ባለሥልጣናትን በደል ተቋቁመው የሚያሠሯት የቂልጦ ጎሞሮ ቅድስት ማርያም ሕንፃ ቤተ ክርስቲያን
  • እየተሠራ ባለው ሕንፃ ቤተ ክርስቲያን ላይ ‹‹ጉልላት ለምን አስቀመጣችኹ›› በሚል ሦስት ጊዜ የማቃጠል ሙከራ ተደርጓል፤ በዚኽ ሳቢያ በዞኑ ባለሥልጣናት በተደጋጋሚ ተወቅሰዋል የሚባሉት የወረዳው አስተዳደርና ልዩ ልዩ አደረጃጀቶች ጉዳዩን በውይይት ስም እያድበሰበሱ ክርስቲያኖችን በማይመለከታቸው ጉዳይ በደመወዝ ከመቅጣት፣ ከሥራ ከማባረር እና ከመኖርያቸው ከማሳደድ ውጭ መፍትሔ ሰጭ የእርምት ርምጃ እየወሰዱ አይደለም፤

Sunday, May 10, 2015

ግንቦት ፪ ቀን (May 10, 2015) በዋሺንግተን ዲሲ በሊቢያ ለተሰዉት ሰማዕታት ድምጻችንን እናሰማ

ግንቦት ፪ ቀን (May 10, 2015) በዋሺንግተን ዲሲ የዋሺንግተን ሞናመንት አጠገብ ታላቅ ሕዝባዊ ስብሰባ በኢትዮጵያ ኦርቶዶክስ ተዋሕዶ ቤተክርስቲያን፣ በገዳመ ተክለሃይማኖት የወገን አድን መኅበር አማካኝነት በሊቢያ በግፍ ለተሰዉት ሰማዕታት ድምጻችንን እንድናሰማ በቨርጂኒያ፣ በሜሪላን፣ እንዲሁም በዋሺንግተን ዲሲ የሚገኙ ኢትዮጵያውያን በሙሉ ተጋብዘዋል።
በዚህ ሕዝባዊ ስብሰባ ላይ ካሕናት አባቶች፣ ዲያቆናት፣ ሊቃውንተ ቤተክርስቲያን፣ የሰንበት ት/ቤት ተማሪዎች በቦታው ተገኝተው ለፈጣሪያችን በኢትዮጵያ ላይ እየደረሰብን ያለውን ግፍ እና በደል ለመድኅኒዓለም ለማመልከት ብሎም ለመላው ዓለም ማሕበረሰብ ለማሳወቅ ይህ ሕዝባዊ ስብሰባ ተጠርቷል።
በቦታው ተገኝተው የበኩልዎን ያበርክቱ
ቦታው: በዋሺንግተን ሞናመንት ዋሺንግተን ዲሲ
በሜትሮ ለምትመጡ: Smithsonian Metro Blue and Orange Line ያለበት ሜትሮ ስለሆነ የሁለት ብሎክ መንገድ ነው
ሰዓት: 3:00 PM. EST
ቀን: ግንቦት ፪ ቀን ፳፻፯ ዓ.ም. (May 10, 2015) 
አስታውሱ ለሰማዕታቱ ወገኖቻችን ብለን በአንድነት እንቁም


Let's save waldba! together ዋልድባ እንታደግ!

Wednesday, May 6, 2015

ሰበር ዜና – ቅዱስ ሲኖዶስ በሊቢያ ለተሠዉት ኦርቶዶክሳውያን ክርስቲያኖች የሰማዕትነት ሥያሜ ሰጠ

ethiopian and coptic christians
  • ዝርዝር መግለጫው በይፋ የሚወጣው በቀጣዩ የጥቅምት ምልዓተ ጉባኤ ነው
  • በስደት ያሉ የሚመለሱበትና በኑሯቸው የሚቋቋሙበት ጠንካራ ውሳኔ ተወስኗል
  • ከልማትና ክርስቲያናዊ ተራድኦ ኮሚሽን ጋራ የሚሠራ ኮሚቴ ይቋቋማል
በሊቢያ፣ ‹‹ሃይማኖታችን አንክድም፤ ማዕተባችንን አንበጥስም›› ብለው በኦርቶዶክሳዊት ተዋሕዶ እምነታቸው በመጽናታቸው፣ ራሱንእስላማዊ መንግሥት(ISIS) ብሎ በሚጠራው ዓለም አቀፍ አሸባሪ ቡድን በሰይፍ ተቀልተው እና በጥይት ተደብድበው የተገደሉት ኦርቶዶክሳውያን ወጣቶች የሰማዕትነት ሥያሜ እንዲሰጣቸው የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ምልዓተ ጉባኤ ወሰነ፡፡
የርክበ ካህናት ቅዱስ ሲኖዶስ ምልዓተ ጉባኤ በአረመኔያዊ አኳኋን የተገደሉት ኦርቶዶክሳውያን ምእመናን ሰማዕት እንዲባሉ የወሰነው፣ በዛሬው ሚያዝያ ፳፰ ቀን ፳፻፯ ዓ.ም. የመጀመሪያ ቀን የቀትር በኋላ ውሎው በጉዳዩ ላይ በስፋት ከመከረበት በኋላ ነው፡፡
በሊቢያ የሜዲትራንያን ባሕር ዳርቻ እና በረሓ በወሩ መጀመሪያ ስለ እምነታቸው መሠዋታቸው የታወቁት ኦርቶዶክሳውያን፣ ‹‹ወኩን መሃይምነ እስከ ለሞት ወእሁበከ አክሊለ ሕይወት = እስከ ሞት ድረስ የታመንኽ ኹን የሕይወትንም አክሊል እሰጥሃለኹ›› /ራእይ ፪፥፲/ ያለውን የጌታችን ቃል ጠብቀው ሃይማኖታችንን አንክድም በማለት የሃይማኖት ሰማዕትነትን የተቀበሉ የሃይማኖት መስተጋድላን እንደኾኑ የግድያው ዜና በተሰማበት ማግሥት በቋሚ ሲኖዶስ መገለጹ ይታወሳል፡፡

Sunday, May 3, 2015

የመልካም ምኞት መግለጫ ለብፁዕ አቡነ መርቆርዮስ ርዕሳነ ሊቃነ ጳጳሳት ዘኢትዮጵያ

                     እንኳን ለ፳፭ኛው በዓለ ሲመትዎ በሰላም አደረሰዎ ቅዱስ አባታችን አቡነ መርቆርዮስ
የIUEOTCFF ተወካዮች በበዓሉ ላይ በተገኙበት ሰዓት

እግዚአብሔር አምላክ አለ “ደስ ከሚላቸው ጋር ደስ ይበላችሁ፥ ከሚያለቅሱም ጋር አልቅሱ . . .” ሮሜ ፲፪ ፥ ፲፭
ዛሬ ሚያዚያ ፳፬ ቀን ፳፻፯ ዓ.ም. በዋሺንግተን ዲሲአካባቢ የብፁዕ ወቅዱስ አቡነ መርቆርዮስ ፳፭ኛ በዓለ ሲመት በተከበረበት ወቅት ዓለም አቀፍ የኢትዮጵያ ኦርቶዶክስ ተዋሕዶ ቤተክርስቲያን እምነት ተከታዮች አንድነት ለብፁዕ ወቅዱስ አባታችን እንኳን ደስ አለዎት በማለት መልካም ምኞታችንን ለመግለጽ ብሎም አምላከ ቅዱሳን ፈጣሪያችን በሕይወት አቆይቶ የቤተክርስቲያንን ትንሳኤ ምዕናን እንድናይ ብፁዕነታቸውን በይበልጥ ግንባር ቀደም ሆነው ለማየት እንዲያበቃን መልካም ምኞቻችንን በመግለጽ የልዑካን ቡድናችን ደርሶ ተመልሷል።
የልዑካን ቡድኑ በቦታው ተኝቶ መልካም ምኞቱን ከመግለፁም ባሻገር አብረዋቸው ለብፁዕነታቸው እና ለሊቃነ ጳጳሳቱም ለሁሉም በየአህጉረ ስብከታቸው የዚህ ማኅበር ዓላማውን እና ምኞቱን ለሁሉም ብፁዓን አባቶች እንዲደርስ ጥረት አድርጓል የደብዳቤውንም ሙሉ ይዘት ከዚህ መግለጫ ጋር አያይዘንዋል እና በስተ መጨረሻ ላይ በPDF መመክከት ይችላሉ

Saturday, May 2, 2015

ለሰማዕታት ወገኖቻችን እንዴት እንርዳ



በስመአብ ወወልድ ወመንፈስ ቅዱስ አሀዱ አምላክ አሜን
ኢየሱስም መልሶ  እንዲህ አለ:: አንድ ሰው ከኢየሩሳሌም ወደ ኢያርኮ  ወረደ  በወንበዴዎችም  እጅ ወደቀ፤  እነርሱም ደግሞ ገፈፉት ደበደቡትም በህይወትና  በሞት መካከልም ትተውት ሄዱ:: ድንገትም  አንድ ካህን በዚያ መንገድ ወረደ አይቶትም ገለል ብሎ  አለፈ:: እንዲሁም ደግሞ  ሌዋዊ  ወደዚያ  ስፍራ  መጣና  አይቶት ገለል ብሎ  አለፈ:: አንድ ሳምራዊ ግን ሲሄድ ወደ እርሱ መጣ አይቶትም አዘነለት፥ ቀርቦም ዘይትን የወይን ጠጅ በቁስሎቹ ላይ አፈስሶ  አሰራቸው፥ በራሱ አህያም ላይ አስቀምጦት ወደ እንግዶች ማደርያ  ወስደው  ጠበቀውም:: ሉቃስ ምዕ 10 : 30–34
ስለዚህ እኛም ለወገኖቻችን እንደ ሳምራዊ እንዘንላቸው፤ በቁስላቸው ላይ መድሀኒት እናፍስላቸው ወደ እንግዶች ማደሪያም እንውሰዳቸው::
ቀድሞ ዋልድባ እንታደግ (SAVE WALDBA) አሁን ደግም በህጋዊ ሁኔታ ተመዝግቦ በማገልገል ላይ የሚገኘው አለም አቀፍ የኢትዩጵያ ኦርቶዶክስ ተዋህዶ ቤተክርስቲያን እምነት ተከታዮች አንድነት (IUEOTCFF) እስካሁን ለወገኖቻችን ያደረጋቸው ድጋፎች:-