Thursday, June 16, 2016

በጅማ ሃገረ ስብከት በሰኮሩ ወረዳ ቁንቢ ቀበሌ ውስጥ የሚገኘው ደብረ ሰላም ቅዱስ ሚካኤል ቤተክርስቲያን ላይ በአክራሪ እስልምና አራማጆች የደረሰው ሰቆቃ

" አቤቱ፥ የሆነብንን አስብ"
(ሰቆቃው ኤርምያስ 5:1)
በጅማ ሃገረ ስብከት ሰኮሩ ወረዳ ቁንቢ ቀበሌ ውስጥ በሚገኘው ደብረ ሰላም ቅዱስ ሚካኤል ቤተ–ክርስቲያን በ08/10/2008 ዓ·ም ንጋት ላይ ኪዳን ለማድረስ ከሄዱት ምዕመናን መካከል ወሰንየለሽ ፍቃዱ እና ወለላ ፍቃዱ የተባሉ እህትማማቾች ላይ "ጀሀድ" በሚል አላማ አራት ግለሰቦች መላ ሰውነታቸውን በጥቁር ልብስ በመሸፈን ከፍተኛ ጥቃት አድርሰዋል።ይህ የግድያ ሙከራ የተደረገው ከ20 የማይበልጡ ክርስቲያን አባውራ በሚኖሩባት የቁንቢ ቅ/ሚካኤል ቤተ–ክርስቲያን የተፈፀመ አስከፊ ጥቃት ሲሆን ከአራቱ ጥቃት አድራሾች ሦስቱ ባዘጋጁት መኪና ወደ ጅማ መስመር ያመለጡ ሲሆን የአካባቢው ነዋሪዎች እንደገለፁልን "መሐመድ ሰኒ" የተባለው አክራሪ በስፍራው የነበሩ ግለሰቦች ባደረጉት ከፍተኛ ርብርብ በቁጥጥር ስር ውሏል።አክራሪዎቹ ጥቃት ያደረሱበት የስለት መሳሪያ በአብዛኛው የአረብ አገራት ላይ በስፋት የሚታይ ሲሆን መርዛማ መሳርያ መሆኑም ታውቋል።ክርስቲያኖችን ማጥፋት አላማቸው አድርገው የመጡት አክራሪ ቡድኖች ክርስቲያኖችን በሰይፍ ሲያርዱ በዝምታ መመልከት ያላስቻላቸው የአካባቢው ሙስሊም ወንድሞች በመሀል በመግባት በሚያገላግሉበት ወቅት ሁለቱ ሊጎዱ ችለዋል።ጉዳቱ ከደረሰባቸው ከሁለቱ እህትማማቾች አንዷ የሆነችው ወሰንየለሽ ፍቃዱ ከፍተኛ ጉዳት የደረሰባት ሲሆን በአሁኑ ሰአት በጥቁር አንበሳ ሆስፒታል በህክምና ላይ ትገኛለች።የኢ/ኦ/ተ/ቤተ–ክርስቲያን ፓትርያርክ ብፁዕ አቡነ ማትያስን ጨምሮ የተለያዩ ብፁአን አባቶች እንዲሁም ብዛት ያላቸው ምዕመናን በጥቁር አንበሳ በመገኘት እህታችንን በመጠየቅ እና በአደጋው የተሰማቸውን ልባዊ ሀዘን እየገለፁ ይገኛሉ። 
በዚህ መጠነ ሰፊ በሆነው ጉዳት የደረሰባቸው ቤተሰቦች፣ ምዕመናን እና ምዕመናት ብሎም በጅማ ሃገረ ስብከት በተፈፀመው የፅንፈኛ አክራሪ ቡድን የመግደል ሙከራ ዋልድባን እንታደግ (ዓለምአቀፍ የኢትዮጵያ ኦርቶዶክስ ተዋሕዶ ቤተክርስቲያን እምነት ተከታዮች አንድነት)ልባዊ ሀዘናችንን እየገለፅን አምላከ ቅዱስ ሚካኤል ለተጎዱት እህትና ወንድሞች ፍፁም ምህረትን እንዲሁም ለተጎጂ ቤተሰቦች መፅናናትን እንዲሰጥልን እናመኛለን!!!





Let's save waldba! together ዋልድባ እንታደግ!

No comments:

Post a Comment