Tuesday, August 9, 2016

ጸሎት እና ምሕላ በሃገራችን ኢትዮጵያ ለሚደርሰው መከራና ችግር ወደ ፈጣሪ ለማመልከት

"በግብጽም ሳሉ የአባቶቻችንን መከራ አየህ፤ በኤርትራ ባሕርም ሳሉ ጩኽታቸውን ሰማህ" መጽሐፈ ነህምያ ፱ ፥ ፱
ዛሬ ኢትዮጵያ ሃገራችን እየደማች እና እያነባች ትገኛለች፥ ልጆቿም በግፍና በመከራ ውስጥ እየተጓዙ ይገኛሉ። እግዚአብሔር አምላክ ይህን
የመከራ ዘመን ያሳልፍልን ዘንድ በዚህ የእመቤታችን የወላዲተ አምላክ ትንሣኤዋን በሚታሰብበት የሱባኤ ወቅት መከራችንን እግዚአብሔር
አምላክ እንዲያስወግድልን ማሳሰብ የክርስቲያን ተግባር ነው። በመሆኑም
ዓለምአቀፍ የኢትዮጵያ ኦርቶዶክስ ተዋሕዶ ቤተክርስቲያን እምነት ተከታዮች አንድነት (ዋልድባን እንታደግ)

 ከነሐሴ ፩ ቀን እስከ ነሐሴ ፲፬ ቀን ፳፻፰ ዓ.ም. (August 7 - 19, 2016) 9:00 pm. EST Washington, DC time or 6:00 pm. PST. California time ጀምሮ በጸሎት እና በምህላ ወደ እግዚአብሔር እንድናመለክት እንድናሳስብ በመላው ዓለም ለሚገኙ ክርስቲያኖች በሙሉ ጥሪ እናደርጋለን።

እያንዳንዳችን ለወገኖቻችን የችግር ቀን ደራሽ ሆነን መገኘታችን እንደተጠበቀ ሆኖ፤ ሁሉን ወደ ሚችለው የኢትዮጵያ አምላክ ወደ ልዑል 
እግዚአብሔር እጆቻችንን በጸሎት እና ምህላ እንድናነሳ መንፈሣዊ ጥሪያችንን እናስተላልፋለን።
"ኢትዮጵያ እጆቿን ወደ እግዚአብሔር ትዘረጋለች" መዝሙር ፷፰ ፥ ፴፩





Let's save waldba! together ዋልድባ እንታደግ!

Friday, August 5, 2016

ሱባኤ፣ምንነቱ፣ሥርዓቱ

እንኳን ለቅድስተ ቅዱሳን፣ ንጽህተ ንጹሃን ቅዱስት ድንግል ማርያም መታሰቢያ የፍልሰቷን ጊዜ እያሰብን በሁለት ሱባኤ ወደ አምላካችን መድኅኒታችን ኢየሱስ ክርስቶስ በእናቱ ስም አማላጅነቷን የምንለምንበት ልዩ እና የተመረጠች የሱባኤ ወቅት በመሁኗ ከሁሉም አጽዋማት የተለየች ያደርጋታል። በዚህም ወቅቱ የሱባኤ ጊዜ ሕጻናት፣ ወጣቶች፣ ጎልማሶች አሮጊት ሽማግሎ በሙሉ የሰው ልጅ በሙሉ እየጾመ የእመቤታችንን አማላጅነት እየተማጸንን ወደ ፈጣሪ የምንጮህበት ታላቅ ጊዜ ነው። ታዲያ ስለ ሱባኤ ስናወራ ብዙ ጊዜ የተለያዩ ሰዎች ሱባኤ ምን እንደሆነ ለምን ሱባኤ እንዳስፈለገ ወይንም ሱባኤ እንዴት እንደተጀመረ ሲጠይቁ ይሰማል እኛም ምዕመናን ቢማሩበት ብለት ይህንን ካነበብነው ለማቅረብ ወደድን።  

                                   ሱባኤ፣ምንነቱ፣ሥርዓቱ
                                      ሥርዓተ ሱባዔ

ሱባዔ ምንድን ነው? ሱባዔ በሰዋስው ትርጉሙ ሰባት ማለት ነው፡፡ ሱባዔ በመንፈሳዊ አተረጓጎም አንድ ሰው ከዚህ ቀን እስከዚህ ቀን በጸሎት ከፈጣሪዬ እገናኛለሁ ብሎ የሚያቅደው መንፈሳዊ ዕቅድ ነው፡፡ ሰባት ቁጥር በእስራኤላውያን ዘንድ በሥራም በቃልም የሚገለጥ ፍጹም ቁጥር ነው፡፡ ለምሳሌ፡- ፈጣሬ ሽለማት እግዚአብሔር በሰባተኛው ቀን ሥነ ፍጥረትን ከመፍጠር ማረፉ፣ ለጸሎት የሚተጉ ምእመናን በቀን ለሰባት ጊዜ ማመስገናቸው የሰባት ቁጥርን ፍጹምነት ያመለክታል፡፡ ዘፍ.2.2 መዝ.118.164፡፡ ከዚህ አንጻር አንድ ሰው ለሰባት ቀናት ቢጾም «አንድ ሱባዔ ጾመ» ይባላል፡፡ ለዐሥራ አራት ቀን ቢጾም «ሁለት ሱባዔ ጾመ» እያለ እየጨመረ ይሄዳል፡፡

መቼ ተጀመረ?