Friday, August 10, 2018

ግልጽ ደብዳቤ ለክቡር ጠቅላይ ሚኒስቴር ዶ/ር አቢይ አሕመድ



ባለፈው ወር የኢትዮጵያ ጠቅላይ ሚኒስቴር ክቡር / አቢይ አሕመድ ወደ አሜሪካን በመጓዝ በውጪ የሚኖሩትን ኢትዮጵያውያንን ለማነጋገር እና በሕዝብና በመንግሥት መካከል የተገነባውን የጥላቻ ግንብ ለማፍረስ እና መልካም ግንኙነት እንፍጠር ጥላቻን እናጥፋ፣ በምትኩ በፍቅር ተደምረን ውድ ሃገራችንን ተባብረን የቀደመ ክብሯን እናስመልስ በሚል መንፈሥ ጉብኝት ባደረጉ ጊዜ፥ ዓለምአቀፍ የኢትዮጵያ ኦርቶዶክስ እምነት ተከታዮች አንድነት ዋልድባን እንታደግ ጥያቄዎቻችንን እና እስከ ዛሬ ድረስ ያልተፈታውን የዋልድባን ችግር ላንዴና ለመጨረሻ ጊዜ ለመፍታት ብቸኛው ጊዜ እና አማራጭ ይህ እንደሆነ በመገንዘብ ለክቡር ጠቅላይ ሚኒስቴራችን ግልጽ ደብዳቤያችንን በእጅ ለመስጠት ችለናል። 

የደብዳቤውን ሙሉ ቃል አቅርበነዋል መልካም ምንባብ

Thursday, August 9, 2018

እንኳን ለፆመ ፍልሰታ ለማርያም በሰላም አደረሰን፥

 

 
እንኳን ለፆመ ፍልሰታ በሰላም አደረሳችሁ

እመቤታችን ቅድስት ድንግል ማርያም አርጋለች ወደ ገነት እመቤቴ ማርያም ሆይ፤ ምጡቅና ሩቅ ወደሚሆን የደስታ ቦታ ላረገ ሥጋሽ ሰላምታ ይገባል ይኸውም ኅብሩ ሊመረምሩት በማይቻል ዕንቊ የታነፀ ሕንፃ ይገኝበታል ።መልክአ ማርያም

እመቤታችን ቅድስት ድንግል ማርያም በሥጋ ከመሞቷ በፊት በጌታችን በመድሃኒታችን በኢየሱስ ክርስቶስ መቃብሩ ቦታ ትጸልይ ነበር። መንፈስ ቅዱስም ለእመቤታችን ከዚህ ዓለም እንደምትለይ ነገራት። ጌታችንም በደብረ ዘይት ላሉ ደናግላን ነግሯቸዋልና ወደ እመቤታችን ቅድስት ድንግል ማርያም በፍጥነት መጡ። እርሷን መንፈስ ቅዱስ የነገራትን ነገረቻቸው። እነሱም እንደመጡ ባየች ጊዜ እንዲህ ብላ ጸለየች። ልጄ ውዳጄ፤ ፈጣሪዬ ኢየሱስ ክርስቶስ ሆይ ልመናየን ተቀብለህ ደቀ መዝሙርህን ዮሐንስን በዚህች ሰዓት አምጣው፤ እንዲሁም በሕይወት ያሉትንና በሕይወት የተለዩንን ቅዱሳን በሙሉ ወደ እኔም አምጣቸው። አንተ የሕያዋን አምላክ ነህና፤ለአንተም ምስጋና ይሁን አሜን አለች። በዚያን ጊዜ በመንፈስ ቅዱስ ትዕዛዝ ቅዱስ ዮሐንስን ደመና ተሸክማ ወደ እመቤታችን ቅድስት ድንግል ማርያም አደረሰችው። ቅዱስ ዮሐንስም እንደደረሰ ሰገደላትናበፊቷ ቆሞ እንዲህ አላት፤ ሰላምታ ይገባሻል ጌታችን መድሃኒታችን ኢየሱስ ክርስቶስን ወልደሽልናልና፤ጸጋን የተመላሽ ሆይ ደስ ይበልሽ። አንቺ ከዚህ ዓለም በሞት ተለይተሽ በክብር በምስጋና ወደ ዘለዓለም ሕይወት ትሄጃለሽና። እመቤታችንም ይህን በሰማች ጊዜ እጅግ ደስ አላት እንዲህ ብላ አምላኳንም አመሰገነችው። ጌታዬ አምላኬ ፈጣሪዬ ሆይ፤ ላንተ ክብር ምስጋና ይገባል። የለመንኩህን ሰጥተኸኛልና። አሁንም ነብሴን ተቀብለው ወደ ሰማይ ወደ አንተ ሊይሳርጓት ከሚመጡ መላእክቶችህ ጋር በመምጣትህ የምለምንህን ሁሉ ስጠኝ። በዚህን ጊዜ ከሰማይ እንዲህ የሚል ድምጽ መጣ፤ እነሆ አሁን መላእክት ይደርሳሉ። ቅዱሳን ሐዋርያትም ወደ ቅድስት ድንግል ማርያም ይደርሳሉ።

Tuesday, August 7, 2018

ቤተ ክርስቲያን: የጅግጅጋውን የጭካኔና የዐመፅ ድርጊት አወገዘች! ለሟቾች ጸሎተ ፍትሐት እንዲደረግና መንግሥትም የነፍስ አድን ሥራ እንዲሠራ አሳሰበች

IMG_20180806_160513
  • በጾመ ፍልሰታ ለማርያም ሱባኤ፣ በኹሉም ገዳማት እና አድባራት ጸሎተ ምሕላ ይደረግ
  • የሀገርና የወገን ፍቅርና ስሜት የተለየው፣ መወገዝ ያለበት የዐመፅና የጭካኔ ተግባር ነው፤
  • መጠፋፋቱ ወደ ከፋ ኹኔታ ሳይሸጋገር እንዲገታ ኹሉም ባለድርሻ መረባረብ ይጠበቅበታል
  • በረኀብ፣ በጽምና በእርዛት ለሚሠቃዩ ካህናትና ምእመናን መንግሥት ፈጥኖ ይድረስላቸው፤
  • የክልልና የዞን መስተዳድር አካላት፣ሕገ መንግሥታዊ ግዴታቸውን በብቃት ሊወጡ ይገባል፤
  • ቤተ ክርስቲያን፥በማረጋጋት፣ በማጽናናትና በማስታረቅ ሥራ የመፍትሔው አካል ትኾናለች
†††

በጅግጅጋ እና አካባቢው ዞኖች: 7 አብያተ ክርስቲያን ሲቃጠሉና ሲዘረፉ 8 ካህናት ተገደሉ

FB_IMG_1533473836775
  • ይቅርታ አድርጉልን፤ ጥፋት አጥፍተናል፤ እንክሳለን፤ ከእኛ 30 ሰው፣ ከእናንተ 8 ሰው ሞቷል፤
/የሀገረ ስብከቱን ተወካዮች ለማነጋገር የሞከረው ፕሬዝዳንቱ አብዲ ዑመር/

†††
(የከተማው የዐይን እማኞች እንዳስረዱት)
አሁን ትንሽ ተረጋግቷል፡፡ መከላከያ ሊገባ ነው፣ እየተባለ ቅስቀሳ እየተደረገ ነው፡፡ ፕሬዝዳንቱ፣ ማምሻውን በማዘጋጃ ቤት የቤተ ክርስቲያን ተወካዮችን ሰብስቦ ሊያናግር ነው፤ ተብሏል፡፡
ባለፈው ኀሙስ በጅግጅጋ ዜድ ኤም ኢንተርናሽናል ሆቴል የክልሉ ፕሬዝዳንት ደጋፊዎች ተስብስበው በከፍተኛ ደረጃ ሲመክሩ ውለዋል፡፡ በበነጋው ዓርብ ምሳ ሰዓት ላይ፣ “እስከ መንገጠል እናካሒዳለን፤” እያሉ ሲያውጁ ተሰምተዋል፤ በየሆቴሉም የሚያውቋቸውንና ተናጋሪ የሚሏቸውን እየሰበሰቡ፣“እኛም ከኢትዮጵያ እንገነጠላለን” እያሉ ሲቀሰቅሱ ውለዋል፡፡ ፕሬዝዳንቱም፣ “ኦሮሞና አማራ ነዳጁን ወስዷል፤ የሚያስተዳድረው ኦሮሞና አማራ ነው፤ እኔ አያገባኝም፤ የነዳጅ ገቢው 5 ፐርሰንት ነው የሚደርሳችሁ ተብሏል፤ ከአሁን በኋላ ራሳችሁን ነፃ የምታውጡ ከኾነ አውጡ፤ እኔ አላውቅም፤” በማለት ለተወሰኑ ሰዎች
ተናግሯል፡፡

Thursday, August 2, 2018

ስለብፁዕ ወቅዱስ ፓትርያርክ አቡነ መርቆሬዎስ በጥቂቱ፤ “ቤተ ክርስቲያንን ለመጠበቅ በአንድ ዕለት የተቀባንበት ነባር የመነሻ ታሪክ አለን”/ብፁዕ ወቅዱስ ፓትርያርክ አቡነ ማትያስ/

His Holiness Abune Merqorewos and His Holiness Abune Mathias

  • “በተሠየሙበት ሰማዕቱ መርቆሬዎስ በዓል ቀን መመለሳቸው፣ትልቅ የታሪክ መጋጠም ነው፤”

  • በሢመተ ጵጵስና፣ ከብፁዕ ወቅዱስ አቡነ ማትያስ ጋራ በአንድ ዕለት የተቀቡ አባቶች ናቸው፤

  • በመንበረ ጸባኦት ቅድስት ሥላሴ ካቴድራል፣በልዩ ልዩ መንፈሳዊ ሥራ አብረው አገልግለዋል፤

  • ዛሬም፣በዕርቀ ሰላሙ ስምምነት መሠረት፣ በእኩል የአባትነት ክብር በየድርሻቸው ያገለግላሉ፤

  • በቅዱስ ሲኖዶስ አመራር፣ የሰላምና የአንድነት አስተዳደሩን የምናስቀጥልበት ወቅት ነው፤”

  • በዝግታ እየተመካከርንና ሥራውን እያሻሻልን በቅዱስ ሲኖዶስ ውሳኔ ሕዝቡን እንመራለን፤

†††

Wednesday, July 25, 2018

የሲኖዶሳዊ ዕርቀ ሰላም ስምምነቱ: ጠቅላይ ሚኒስትሩ በሚገኙበት በዋሽንግተን ዲሲ ይፋ ይኾናል፤ ቋሚ ሲኖዶስ የአቀባበል ዐቢይ ኮሚቴ እንዲቋቋም አዘዘ

his holiness abune merqorewos and his holiness abune mathias
  • ኹለቱም ቅዱሳን ፓትርያርኮች፣ በመንፈሳዊና አስተዳደራዊ ተግባር በየድርሻቸው የሚያገለግሉበት ታላቅ ስምምነት ነው፤
  • የኹለቱም ቅዱሳን ፓትርያርኮች፣ በዓለ ሢመተ ፕትርክና፣ የቤተ ክርስቲያን በዓል ኾኖ ይከበራል፤
  • በኹለቱም በኩል የተላለፈው ቃለ ውግዘት ይነሣል፤ የተሾሙ ሊቃነ ጳጳሳትም ለአንዱ ቅዱስ ሲኖዶስ ተጠሪ ኾነው ሓላፊነታቸውን ይወጣሉ፤
  • በብፁዕ ወቅዱስ አቡነ መርቆሬዎስ የተሾሙ አባቶች፣ በፍላጎታቸው መሠረት በውጭም በውስጥም አህጉረ ስብከት በቅዱስ ሲኖዶስ ተመድበው ይሠራሉ፤
  • የጠቅላይ ሚኒስትሩ መንግሥታዊ ድጋፍ፣ የቤተ ክርስቲያንን የዓመታት የሰላም ጥረት ፍሬያማ እንዲኾን አድርጓል – “በእግዚአብሔር ቀን”
†††

Tuesday, July 10, 2018

ዋልድባን እንታደግ በ35ኛው የኢትዮጵያውያን ማኅበረሰብ ዓመታዊ በዓል ላይ በመገኘት ዝግጅቶችን አቀረበ







የዋልድባን እንታደግ ማኅበር በ35ኛው የኢትዮጵያውያን ማኅበረሰብ የስፖርትና የባሕል ፌደሬሽን ላይ በመገኘት ለሕዝበ ክርስቲያኑ ግንዛቤ እያስጨበጠ፥መረጃዎችን እይሰጠ፥ በተያያዥም ከማኅበሩ በጎ አድራጊዎች ጋር ለበጎ ሥራ ሊጠቅሙ ይሚችሉ የተለያዩ የገንዘብ ማሰባሰቢያ ቲሸርቶችን፥ መስቀሎችን፥ ማኅተቦችን፥ የጸሎት መፅሐፍትን እንዲሁም እራሥን ዝቅ በማድረግ ጫማ በመጥረግ እግረመንገዳችንንም እራሥን ዝቅ አድርጎ ሥራዎችን የሚሠራ ትውልድ ለምፍጠር ወይም አረያነትን ለማሥተማር መሰል ሥራዎችን በምሥራት ገዳማውያኑን በሚያሰፈልጋቸው ለምርዳት ቁርጠኝነትን፥ አጋርነትን፥ አልኝተኛነትን፥ ለማሳየት እና ለመራዳት በርካታ ሥራዎችን እይሠራ እንደሚገኝ ከሥፍራው ተግልጾልናል።
ዋልድባን እንታደግ ወይም ዓለም አቀፍ የኢትዮጵያ ኦርቶዶክስ ተዋሕዶ ቤተክርስቲያን እምነት ተከታዮች አንድነት ባለፉት ጥቂት ዓመታት በተለያዩ የአሜሪካ ግዛቶች እይተዘዋወረ ዝግጅቶችን ድንኳን በመከራየት ለምዕመናን ግንዛቤን በማስጨበጥ መረጃዎችን በመስጠት፥ ብሎም ከበጎ አድራጊዎች ጋር በመሆን የተለያዩ የገዳሙን እና የገዳማውያኑን ችግሮች ለምቅረፍ በሚገኙት ገንዘቦች የተልያዩ ሥራዎችን ሲሠራ ቆይቷል፥ በተለይ በቅርቡ በዋልድባ ዳልሻህ አካባቢ በደረሰ የምግብ እጥረት የተነሳ በርካታ ደካማ እናቶች በምግብ እጥረት፥ በእርዛት እና በብዙ ችግር ላይ እንደነበሩ በደረሰን መረጃ መሠረት ማኅበሩ የተለያዩ በጎ አድራጊዎችን በማስተባበር ለዚህ ለተፈጠረው ችግር ጊዜያዊ መፍትሄ መስጠት ግድ ስለነበር ተመጣጣኝ እርዳታን በማድረግ ለገዳምውያኑ አስቸኳይ የምግብ እርዳታ እንዲያገኙ ተደርጓል፤ በዚህም መሠረት ከተላከው አጠቃላይ $2000 00 ወይም ወደ 70000 00 ብር ግምት በገዳሙ ደርሶ በዚህም ከ32 ኩንታል በላይ ማሽላ፥ 2 ኩንታል ኑግ እና 1 ኩንታል ጨው ተገዝቶ ለገዳሙ ገቢ ሆኗል፤በቅርቡም የምሥጋና ደብዳቤ እንደሚደርሰን ነግረውናል።

Monday, July 2, 2018

ሥራ አስኪያጁ መ/ር ይቅርባይ:“ደላሎች ይውጡ፤ የክህነት ልዕልና ይመለስ፤መናፍቅ የቤተ ክርስቲያንን እንጀራ አይብላ!”ሲሉ የጋራ ተጋድሎ ጥሪ አቀረቡ

mmr yikirbay endale sene2010a
  • ሓላፊነታቸውን በስኬት እንዲወጡ፣ለየአጥቢያ አሳራጊዎች የ3 ቀን ጸሎት ታዘዛላቸው፤
  • በደማቅ ጭብጨባ የተደገፈው ንግግራቸው፣ በቅኔም፣ ኹለተኛው ዐቢይ” አሰኛቸው፤
  • የፈረጅያ ሥር ኑፋቄ፣በልማት ስም መነገድና ክህነትን ማዋረድ ይቁም፤ሲሉ አስጠነቀቁ
  • ሓላፊዎች ከድላላ ተግባራት እንዲታቀቡና የሥራ ሰዓትን አክብረው እንዲሠሩ አሳሰቡ፤
  • ጊዜው ይናገራል፤በሩን ለባለጉዳዮች ክፈቱ፤ መዋቅር ጠብቁ/ብፁዕ ዋና ሥ/አስኪያጁ/
†††
የአዲስ አበባ ሀገረ ስብከት የሥራ ውድቀት፣ “ከግለሰቦች ብልሹ ጠባይዕና ሥነ ምግባር” የተነሣ መኾኑን ያስገነዘቡት አዲሱ ተሿሚ ሥራ አስኪያጅ መ/ር ይቅርባይ እንዳለ፣“ደላሎች ይውጡ፤ የክህነት ልዕልና ይመለስ፤ መናፍቅ የቤተ ክርስቲያንን እንጀላ አይብላ!” ሲሉ የጋራ ተጋድሎ ጥሪ አቀረቡ፡፡
ዛሬ ሰኞ፣ ሰኔ 25 ቀን 2010 ዓ.ም. ረፋድ፣በሀገረ ስብከቱ አዳራሽ በተከናወነው ደማቅ የአቀባበል መርሐ ግብር ላይ፣ ቅድስት ቤተ ክርስቲያን በዐደባባይ እየተሰደበች ያለችው በአገልጋዮቿ ብልሹ ሥነ ምግባር ምክንያት እንደኾነ በአጽንዖት የተናገሩት ሥራ አስኪያጁ፣ ስሕተቱን በማረም ስድቧን ለማራቅና ክብሯን ለማስመለስ፣ ከሀገረ ስብከቱ ጽ/ቤት እስከ አጥቢያ አብያተ ክርስቲያን ያሉ መላ ሓላፊዎች፣ ካህናትና ልዩ ልዩ ሠራተኞች፤ዘርንና ጎሣን ሳይቆጥሩ በጋራ እንዲረባረቡ ጥሪ አቅርበዋል፡፡

የአ/አበባ ካህናት:በወቅታዊ የቤተ ክርስቲያን ችግር ፓትርያርኩ እንዲያወያዩዋቸው ጠየቁ፤ ለሥራ አስኪያጁ አቀባበል ያደርጋሉ

aa dio parishes plea2
  • የዘረኝነት ምደባ የሚታረምበትን የመዋቅርና አሠራር ማሻሻያ ይጠይቃሉ፤
  • የብልሹ አገልጋዮች ሥነ ምግባርንና የሰብአዊ መብቶች መጠበቅን ያነሣሉ፤
  • የምእመናን ጥያቄዎች ፈጣን ምላሽ የሚያገኙበት አያያዝ አጀንዳቸው ነው
  • የተሟሟተው ስብከተ ወንጌል በትሩፋት ሰባክያን እንዲነቃቃ ያመለክታሉ፤
  • ሥራ አስኪያጁ፣ በ7ቱም ክፍላተ ከተማ ተከታታይ ውይይቶችን ያደርጋሉ
†††