የታሰሩት የዋልድባ መነኰሳት: በሕግ ፊት እኩል ኾኖ የመታየት መብታቸው ተጥሷል – ጠበቃው

• የ32ቱ ክሥ የተቋረጠበትና የ3ቱ ተከሣሾች ሳይቋርጥ የቀረበት የሕግ ምክንያት አልተገለጸም፤
• የሥነ ሥርዓት ሕጎች ተለጥጠው ከተተረጎሙ በተከሠሡት ላይ የማይመለስ ጉዳት ያስከትላል፤
• በተለይም በታሰሩ ሰዎች ላይ፣ አለ የተባለ ማስረጃ በሰዓቱ ቀርቦ የተፋጠነ ፍትሕ ይሰጣቸው፤
• በፍርድ ሒደት ነጻ ቢባሉም እንኳን፣ ጉዳታቸው የበዛ እንዳይኾን ዐቃቤ ሕግ ሓላፊነቱን ይወጣ፤
• በቂ ማስረጃ ባልቀረበበት ኹኔታ ፍ/ቤቱ፥“ለትክክለኛ ፍትሕ አሰጣጥ”ያለው ሊያነጋግር ይችላል፤
• ከሣሹ አካል፥ በሕግ ፊት የተከሠሡ ሰዎች እኩል መኾናቸውን ለማረጋገጥ፣ ትልቅ ዋጋ በመስጠት ከተለዋጩ ቀጠሮ በፊት የሚወስነው ውሳኔ ካለ እንጠብቃለን፡፡

†††

በሁለቱ የዋልድባ መነኰሳት ላይ ዐቃቤ ሕግ ምስክሮቹን ባለማቅረቡ ፍ/ቤቱ ለሚያዝያ ፲፰ ቀን ፳፻፲ ቀን በድጋሚ ቀጠረ

• ዐቃቤ ሕግ እና ፖሊስ፣ “ምስክሮቹ ያልቀረቡበትን ምክንያት አናውቅም፤” አሉ
• “አብረውን ተከሠው ከነበሩት የምንለየውና የማንፈታው ለምንድን ነው? ያሰረንስ አካል ማን ነው?”/መነኰሳቱ/
• “እግዚአብሔር አለ፤ እመቤታችን አለች፣ አትፍሩ፤ እግዚአብሔር ዐዋቂ ነው፤”/አብሯቸው የተከሠሠው ነጋ ዘላለም/

†††

በታሰሩት የዋልድባ መነኰሳት ጉዳይ የቤተ ክርስቲያን ዝምታ እያነጋገረ ነው

• ከወንጀል ክሡ በመለስ፣ ሃይማኖታዊ ክብሯ በዐደባባይ ሲዋረድ ዝምታን መምረጧ ምነዋ ያሰኛል፤
• በፓትርያርኩ አማካይነት ለጠቅላይ ሚኒስትሩ ስጦታ ማበርከቱ፣“ለኦርቶዶክስ ቤተ ክርስቲያን ምፀት ነው፤”
• ጉዳዩ በምእመኑና በሌሎችም ኢትዮጵያውያን ዘንድ ትኩረት እያገኘ ነው፤ የቤተ ክህነቱ ዝምታ አነጋጋሪ ኾኗል፤

†††

በእነተሻገር ወልደ ሚካኤል ክሥ መዝገብ በሽብር ወንጀል ተከሠው በቂሊንጦ እስር ቤት በሚገኙት ኹለቱ የዋልድባ ገዳም መነኰሳት ጉዳይ፣ ቤተ ክርስቲያን ድምፅዋን አለማሰማቷ አነጋጋሪ መኾኑን ብዙኃን መገናኛዎች እየዘገቡ ነው፡፡

ዛሬ ቅዳሜ፣ መጋቢት 15 ቀን 2010 ዓ.ም. ታትመው የወጡት ቁም ነገር እና ግዮን መጽሔቶች፥ የፌዴራሉ ከፍተኛ ፍ/ቤት 4ኛ ወንጀል ችሎት፣ ኹለቱ አባቶች ልብሰ ምንኵስናቸውን ከመልበስ እንዳይከለከሉ ትእዛዝ መስጠቱን በመጥቀስ፣ ጉዳዩ በቀጥታ የሚመለከታት ቤተ ክርስቲያን ዝምታን መምረጧ እያነጋገረ መኾኑን ዘግበዋል፡፡

የሕዝበ ክርስቲያኑን ጩኸት እግዚአብሔር ከሰማያዊት ኢየሩሳሌም ይሰማል ! እናምናለን

ሃገራችን ኢትዮጵያ ከዛሬ ፳፮ ዓመት ከ፱ ወር ጀምሮ በኢትዮጵያ ለውጥ ከመጣበት ጊዜ ጀምሮ እስከ ዛሬ ድረስ ከ፳፮ ዓመት ከ፱ ወር ድረስ በኢትዮጵያ ኦርቶዶክስ ተዋሕዶ ቤተክርስቲያን ላይ የደረሱ ፈተናዎች እና ተግዳሮቶች የሰው ልጅ በሕሊናው ከሚያስበው በላይ እንደሆን ማንም ሰው ሊያጤነው የሚገባ እንደሆነ እንገምታለን፤ በተለይ የኢትዮጵያ ኦርቶዶክስ ተዋሕዶ ቤተክርስቲያን እምነት ተከታዮች በቁጭት እንደሚመለከቱት እናምናለን።

በእነዚህ ዓመታት ውስጥ ዋነኞቹ የቤተክርስቲያን እሴቶች ጠፍተዋል፣ የቤተክርስቲያኒቱ የእምነት መገለጫዎች ተመዝብረዋል፣ የማምለኪያ ቦታዎች በልማት ስም ተወስደዋል ፣ የቤተክርስቲያን አባቶች ተዋርደዋል፥ ክቡር የሆነውን ሕይወታቸውን ሰውተዋል፣ ቤተክርስቲያኒቱ ባለቤት እንደሌለው ለማንም መሳቂያ መሳለቂያ እስከመሆን ደርሰዋል፣ ታላላቅ ለቤተክርስቲያን ሊጸልዩ፣ ለሃገር ምሕረትን ሊያመጡ የሚችሉ አባቶች በግፍ ከትውልድ ሃገራቸው፣ ከሚወዷት ሃገራቸው ተገፍተው ተባረዋል፣ ብቻ ሌላም ሌላም ሊባል ይችላል፥ ታዲያ ይሄ ሁሉ ሲሆን ከልካይ፣ ጠያቂ፣ ኸረ የመድኅኒዓለም ያለህ ያለ ማንም አለመኖሩ እጅግ የሚያሳዝን የሚያስገርምም ነገር ነው።

የታሰሩት አባቶች ልብሰ ምንኵስናቸው ከመልበስ እንዳይከለከሉ ፍ/ቤት አዘዘ፤ “ክሡ የማይቋረጥበት ሕጋዊ ምክንያት አይታየኝም”/ጠበቃው/

• ምስክሮችን ለማቅረብ ዳተኝነት የታየበት ዐቃቤ ሕግ፣ በቂ ምክንያት ከሌለ በስተቀር ምስክሮቹን በዕለቱ እንዲያቀርብ ፍ/ቤቱ አስጠነቀቀ
• አባ ገብረ ኢየሱስ ከ“ቅጣት ቤት” ወጥተዋል፤ ኹለቱም በዞን አንድ ይገኛሉ፤ አጠቃላይ ኹኔታው የተሻሻለ መኾኑን ገልጸዋል፤

†††