ዓለም አቀፍ የኢትዮጵያ ኦርቶዶክስ ተዋሕዶ ቤተክርስቲያን እምነት ተከታዮች አንድነት በሳውዲ ዓረቢያ ለሚንገላቱ ወገኖች የ$2000.00 እርዳታ አደረገ

ለትብብሩ የተደረገው የቼክ ርክክብ

ባለፈው ቅዳሜ ጥር ፳፭ ቀን ፳፻፮ ዓ. ም. (February 2, 2014) ዓለም አቀፍ የኢትዮጵያ ኦርቶዶክስ ተዋሕዶ ቤተክርስቲያን እምነት ተከታዮች አንድነት በሳዑዲ ዓረቢያ ለተመለሱት እና በጎረቤት የመን ለሚንገላቱት ወገኖቻችን መርጃ እንዲሆን ወገናዊ እና የኢትዮጵያውነት ግዴታውን ለመወጣት ከጥቂት በጎ አድራጊዎች ያሰባሰውን ገንዘብ በጉዳዮ ላይ እየሰሩ ላሉት ኢትዮጵያውያን ድርጅቶች በተወካዮች አማካኝነት የገንዘብ እርዳታውን አበርክቷል።

እርዳታውን ለሁለቱ ኢትዮጵያውያን ድርጅቶች በየጽሕፈት ቤታቸው ተገኝተው ያሰረከቡት ተወካዮቻችን እንደገለጹልን፣ ቅዳሜ

የIUEOTCFF ተወካዮች ከትብሩ ሃላፊዎች ጋር

ጥር ፳፭ ቀን ለ Global Allieance for Ethiopians ዓለም አቀፍ ትብብር ለኢትዮጵያውያን በመባል ለተቋቋመው ድርጅት የ$1000.00 እርዳታውን የተቀበሉት አርቲስት ታማኝ በየነ የትብብሩ ተቀዳሚ ሰብሳቢ እና ወ/ሮ ማርታ የትብብሩ ገንዘብ ያዥ ሲሆኑ፥ በርክክቡ ስነ ስርዓት ላይ አርቲስት ታማኝ እንደተናገሩት ይህንን እርዳታ ስንቀበል በደስታ ነው በተለይ ደግሞ ኢትዮጵያዊነታችንን በማንኛውም መስክ ተባብረን ወገኖቻችንን ከሚደርስባቸው በደል ለመታደግ የዚህኛው ወይም የዛኛው ወገን ሳንባባል መድረሳችን ያስመሰግነናል በታሪክም ከወቀሳ እንድናለን በማለት ተናግረዋል። በመጨረሻም ለወገን መድረስ ዛሬ ብቻ ሳይሆን ወገን በተለያየ የዓለማችን ክፍል ብዙ እንግልት እና ሐፍረት ሲደርስበት እኛ በዚህ በሰሜን አሜሪካ የምንገኝ ወገኖች በተሻለ ቦታ እንደመኖራችን መጠን የወገን አለኝታነታችን ተጠናክሮ እንዲቀጥል አደራ በማለት ሥነ ስርዓቱ ተፈጽሟል።

ለገዳመ ተክለሃይማኖት ቼኩን ሲያስረክቡ

በመቀጠል እሁድ ጥር ፳፮ ቀን በርዕሰ አድባራት ደብረ ሰላም ቅድስተ ማርያም በመገኘት ለገዳመ ተክለሃይማኖት የመጽሐፍ ቅዱስ ማኅበር የወገን ደራሽ ንዑስ ኮሚቴ እርዳታውን የተቀበሉት ሊቀ መምዕራን ቀሲስ ዶ/ር አማረ ካሣዬ ሲሆኑ የ$1000.00 እርዳታ ለወገን ደራሽነታሁን በእውነት ያሳያል በማለት አባታዊ ምክራቸውን እና ቡራኬያቸዋል። ሊቀ መምዕራን ሃገራችን ኢትዮጵያ ልጆቿ

የIUEOTCFF ተወካዮች ከሊቀ መምዕራን ቀሲስ ዶ/ር አማረ ጋር

በተለያየ ዓለም እንደጨው ተበትነው ባሉበት በዚህ ወቅት ወገኖቻችን በሳዑዲ አረቢያ ብዙ ዘግናኝ እና አሳዛኝ ተግባር ሲፈጸምባቸው ለነዚህ ወገኖቻችን ብቸኛው ደራሽ እኛ የዚህች አገር ብቃይ የሆንን ልጆቿ ነን ብለዋል ለዚህም ተግባር ሁልጊዜም ደራሽ የሆናችሁ እናንተ የኢትዮጵያ ኦርቶክስ ተዋሕዶ ቤተክርስቲያን ልጆች ደራሽ በመሆናችሁ እግዚአብሔር አምላክ በጎ ተምኔታችሁን ይፈጽምላችሁ፣ ማኅበራችሁንም ማኅበረ ቅዱሳን መኅበረ መላዕክት ያድርግላችሁ፣ ጀማሪዎች ብቻ ሳትሆኑ ፈጻሚዎች ያድርጋችሁ በማለት በቡራኬያቸው አሰናብተዋል።

በመጨረሻም፣ ዓለም አቀፍ የኢትዮጵያ ኦርቶዶክስ ተዋሕዶ ቤተክርስቲያን እምነት ተከታዮች አንድነት በቅድስት ቤተክርስቲያናችን ላይ እየደረሰ ባለው የተለያየ ፈተና፣ ለመራዳት በዋልድባ ገዳማውያን ላይ ያለውን ችግር በመጠኑ ለመቅረፍ እያደረገ ያለውን አቅፍ በፈቀደ የሚደረገውን ጥረት እና እርዳታ በተጨማሪ ለኢትዮጵያውያን ወገኖቻችን መድረስ ዋነኛው ሃገርኛ ጉዳይ እና ሃይማኖታዊ ምግባር ነው በማለት እንደመርህ የሚቻለውን ያህል ጥረት በማድረግ ከዕለት ጉርሳቸው፣ የተለያየ ችግሮቻቸው ሳያሰቅቃቸው፣ ለረዱን ለተባበሩን ኢትዮጵያውያን ወገኖቻችን በሙሉ አምላከ ቅዱሳን ሁልጊዜም የልባችንን መሻት ከሃጢያት በስተቀር ይስጥልን ሥራችሁን ሁሉ ይባርክላችሁ በማለን ልባዊ ምስጋናችንን በማኅበሩ ስም እናቀርባለን።

የአበው በረከት አይለየን እንላለን

ከዝግጅት ክፍሉ

IUEOTCFF

Let's save waldba! together ዋልድባ እንታደግ!